ຍິນດີຕ້ອນຮັບເຂົ້າສູ່ ສູນກາງແຫ່ງການຮຽນຮູ້ດ້ານວິສະວະກຳ ແລະ ເຕັກໂນໂລຊີ: ໃນຍຸກທີ່ເຕັກໂນໂລຊີ ແລະ ລະບົບອັດຕະໂນມັດກ້າວໜ້າຢ່າງບໍ່ຢຸດຢັ້ງ, ການສຶກສາຄົ້ນຄວ້າ ແລະ ການຈັດການຂໍ້ມູນຢ່າງເປັນລະບົບ ແມ່ນກະແຈສຳຄັນສູ່ການສ້າງສັນນະວັດຕະກຳ. ເວັບໄຊທ໌ຂອງພວກເຮົາສ້າງຂື້ນເພື່ອເຜີຍແຜ່ຂໍ້ມູນທີເປັນປະໂຫຍດ, ເປັນບົດຮຽນອັນສໍາຄັນໃຫ້ແກ່ຜູ້ທີມີຄວາມສະແຫວງຫາຄວາມຮູ້, ນັກວິຊາການ, ນັກວິສະວະກອນ, ນັກຮຽນຮູ້ປັນຍາຊົນ, ນັກສຶກສາຕ່າງໆ. ເພື່ອເປັນແນວທາງໃນການຮຽນຮູ້, ເປັນແນວທາງໃນການພັດທະນາຕົ້ນເອງ. ສ່ວນຫລາຍຈະເປັນຄວາມຮູ້ທາງດ້ານໄອທີ IT ໂປຣແກຮມຄອມພິວເຕີ, ແນະນໍາການນໍາໃຊ້ Software ແລະ ຄວາມຮູ້ທາງດ້ານວິສະວະກອນ, ວິສະວະກໍາໄຟຟ້າ Electrical Engineer, ວິສະວະກໍາກົນຈັກ Mechanical Engineer, ການແຕ້ມແບບ Design Drawing ແລະ ການຄວບຄຸ້ມໄຟຟ້າໃນໂຮງງານອຸດສາຫະກຳ Automation Control Engineer for Industry, Board Control Arduno, Electronic Equipment ອື່ນໆ.
ພວກເຮົາມີຄວາມມຸ່ງໝັ້ນທີ່ຈະຍົກລະດັບມາດຕະຖານການຮຽນຮູ້ ສົ່ງເສີມທັກສະການວິເຄາະ ແລະ ການແກ້ໄຂບັນຫາທີ່ສາມາດນຳໄປປະຍຸກໃຊ້ໄດ້ຈິງໃນພາກປະຕິບັດ. ບໍ່ວ່າທ່ານຈະເປັນນັກສຶກສາ, ວິສະວະກອນ ຫຼື ຜູ້ກ່ຽວຂ້ອງໃນສາຍອາຊີບ, ພວກເຮົາຫວັງຢ່າງຍິ່ງວ່າພື້ນທີ່ແຫ່ງນີ້ ຈະເປັນສ່ວນໜຶ່ງໃນການຊຸກຍູ້ຄວາມສຳເລັດ ແລະ ສ້າງບຸກຄະລາກອນທີ່ມີຄຸນນະພາບ ເພື່ອກ້າວໄປສູ່ຄວາມເປັນເລີດທາງເຕັກໂນໂລຊີຮ່ວມກັນ.
ໄຟຟ້າໃນເຕັກນິກ
ໄຟຟ້າເປັນພະລັງງານທີ່ມີຄວາມສຳຄັນຕໍ່ມະນຸດຫຼາຍທີ່ສຸດພະລັງງານໜຶ່ງ, ສັງເກດໄດ້ຈາກສິ່ງຂອງເຄື່ອງໃຊ້ໄຟຟ້າ, ເຄື່ອງອຳນວຍຄວາມສະດວກຕ່າງໆລ້ວນອາໄສພະລັງງານໄຟຟ້າທັງນັ້ນ, ໃຊ້ເພື່ອໃຫ້ເກີດແສງສະຫວ່າງ.<<<ອ່ານເພີ່ມຄິກທີນີ້....
ການຕິິດຕັ້ງໄຟຟ້າໃນອາຄານ
ການຕິດຕັ້ງໄຟຟ້າພາຍໃນອາຄານໝາຍເຖິງການຕິດຕັ້ງອຸປະກອນໄຟຟ້າ ແລະ ການເດີນສາຍໄຟພາຍໃນເຮືອນ, ເລີ່ມຈາກແຫ່ງຈ່າຍໄຟ, ລວມໄປເຖິງອຸປະກອນປ້ອງກັນ ແລະ ເຄື່ອງໃຊ້ໄຟຟ້າແຕ່ລະຕົວ ຫຼື ເວົ້າອີກຢ່າງໜຶ່ງວ່າເປັນການນຳເອົາຊິ້ນສ່ວນຕ່າງໆທີ່ເປັນວັດຖຸ ແລະ ອຸປະກອນໄຟຟ້າມາລວມກັນໃຫ້ເປັນຮູບຮ່າງຕາມທີ່ຕ້ອງການ, ເພື່ອໃຫ້ອຸປະກອນສາມາດເຮັດວຽກໄດ້ ເຊັ່ນ: ການຕິດຕັ້ງຄັດອ້າວ (Cut Out), ການຕິດຕັ້ງກະດານໄຟ (Control Borad, ການຕິດຕັ້ງປັກສຽບ (Socket), ການຕິດຕັ້ງດອກໄຟຕາແມວ (Downlight), ການຕິດຕັ້ງສະວິດ (Switch), ການຕິດຕັ້ງຫຼອດໄຟ ອື່ນໆ. <<<ອ່ານເພີ່ມຄິກທີນີ້....
ເຂື່ອນໄຟຟ້າພະລັງງານນໍ້າ
ພະລັງງານນໍ້າເປັນແຫຼ່ງຜະລິດພະລັງງານໄຟຟ້າທີ່ສຳຄັນອີກຊະນິດໜຶ່ງ, ເຊິ່ງພະລັງງານຊະນິດນີ້ແມ່ນອາໄສນໍ້າຈາກແຫຼ່ງນໍ້າໃນທຳມະຊາດເປັນພະລັງງານໃນການຂັບເຄື່ອນເຄື່ອງຈັກ ໂດຍວິທີການສ້າງເຂື່ອນປິດກັ້ນສາຍນໍ້າໄວ້ໃຫ້ເປັນອ່າງເກັບນໍ້າທີ່ມີລະດັບຢູ່ໃນທີ່ສູງ.<<<ອ່ານເພີ່ມຄິກທີນີ້....
ເຄື່ອງກໍາເນີດໄຟຟ້າ Synchronous Generator
ຄື່ອງກຳເນີດໄຟຟ້າ Synchronous Generator ເປັນເຄື່ອງກໍາເນີດໄຟຟ້າກະແສສະຫຼັບ Alternating Current ເຮັດໜ້າທີ່ປ່ຽນພະລັງງານກົນມາເປັນພະລັງງານໄຟຟ້າ ໂດຍອາໃສຫຼັກການໜ່ຽວນຳຂອງສະໜາມແມ່ເຫຼັກເຄື່ອນທີ່ຜ່ານຕົວນຳ, ເມື່ອມີໄຟຟ້າກະແສກົງ (Direct Current) ໄປກະຕຸ້ນໃຫ້ຂົ້ວແມ່ເຫຼັກໄຟຟ້າໃນ (Rotor Pole) ຈະສ້າງສະໜາມແມ່ເຫຼັກໄຟຟ້າຂື້ນ, ເມື່ອມີການໝູນໃນແກນ (Rotor) ກໍ່ຈະສົ່ງຜົນໃຫ້ເກີດແຮງດັນໄຟຟ້າໜ່ຽວນຳຂື້ນທີ່ຂົດລວດ (Stator) ທີ່ມີລັກສະນະເປັນຄື່ນ ເຊິ່ງກໍ່ຄືແຮງດັນໄຟຟ້າກະແສສະຫຼັບນັ້ນເອງ. <<<ອ່ານເພີ່ມຄິກທີນີ້....
ຂໍຂອບໃຈຜູ້ໃຫຍ່ໃຈດີທຸກທ່ານທີ່ໃຫ້ການສະໜັບສະໜູນ