ເຕົາລີດໄຟຟ້າ Electric Iron ເປັນເຄື່ອງໃຊ້ໄຟຟ້າທີ່ນິຍົມກັນຊົມໃຊ້ຢ່າງແຜ່ຫຼາຍຢາກວ່າມີເກືອບທຸກຄົວເຮືອນ, ເພື່ອໃຊ້ໃນການລີດເສື້ອຜ້າໃຫ້ມີຄວາມລຽບສວຍງາມເປັນຕານຸ່ງ, ສ້າງຄວາມສະອາດຮຽບຮ້ອຍໃຫ້ກັບຜູ້ທີ່ນຸ່ງຖື ເຕົາລີດໄຟຟ້າຈັດຢູ່ໃນປະເພດໃຫ້ຄວາມຮ້ອນ, ເຕົາລີດໄຟຟ້າທີ່ມີຕັ້ງແຕ່ອະດີດຈົນຮອດປັດຈຸບັນສາມາດແບ່ງອອກເປັນ 3 ແບບຄື:
I. ເຕົາລີດໄຟຟ້າແບບທຳມະດາ (Electric
lrons).
ເຕົາລີດໄຟຟຟ້າແບບນີ້ເປັນເຕົາລີດໄຟຟ້າລຸ້ນເກົ່າ ເຊິ່ງໃນປັດຈຸບັນນີ້ກໍ່ຍັງນິຍົມກັນໃຊ້ຫຼາຍພໍສົມຄວນ ເພາະວ່າການໃຊ້ງານສະດວກສະບາຍບໍ່ຍຸ້ງຍາກ, ເຕົາລີດໄຟຟ້າປະເພດນີ້ຈະຈ່າຍກະແສໄຟຟ້າໃຫ້ແຜ່ນຄວາມຮ້ອນ (Heating element) ເຮັດໃຫ້ເຕົາລີດຮ້ອນ ແລະ ຈະມີປຸ່ມປັບອຸນຫະພູມຄວາມຮ້ອນໃຫ້ມີຄວາມເໝາະສົມກັບເສື້ອຜ້າແຕ່ລະຊະນິດ, ເມື່ອອຸນຫພູມຄວາມຮ້ອນຮອດເຖິງຈຸດທີ່ກຳນົດທີເຮົາຕັ້ງໄວ້ອຸປະກອນຄວບຄຸມກໍ່ຈະຕັດທັນທີໂດຍອັດຕະໂນມັດ.
ຮູບທີ 1: ເຕົາລີດໄຟຟ້າແບບທຳມະດາ
🔅 ຫຼັກການທໍາງານຂອງເຕົາລີດໄຟຟ້າແບບທຳມະດາ.
ເມື່ອສຽບປັກສຽບເຕົາລີດກໍ່ຈະເຮັດໃຫ້ກະແສໄຟຟ້າໄຫຼຜ່ານແຜ່ນລວດຄວາມຮ້ອນ ເຊິ່ງເຮັດໃຫ້ແຜ່ນຄວາມຮ້ອນ, ຮ້ອນຂື້ນ ແລະ ສົ່ງຄວາມຮ້ອນໄປຫາພື້ນເຕົາລີດ, ເຊິ່ງຈະມີປຸ່ມປັບອຸນຫະພູມຄວາມຮ້ອນ Thermostat Adjust ໃຫ້ມີຄວາມເໝາະສົມກັບເສື້ອຜ້າແຕ່ລະຊະນິດ, ໃນຂະນະທີ່ລີດເສື້ອຜ້າຖ້າຫາກວ່າຄວາມຮ້ອນທີ່ພື້ນທີ່ເຕົາລີດຮ້ອນເກີນໄປ, ເມື່ອອຸນຫະພູມຄວາມຮ້ອນເຖິງຈຸດທີ່ກຳນົດທີເຮົາຕັ້ງໄວ້, ອຸປະກອນຄວບຄຸມ Thermostat Adjust ກໍ່ຈະຕັດວົງຈອນກະແສໄຟຟ້າບໍ່ໃຫ້ໄຫຼຜ່ານລວດຄວາມຮ້ອນທັນທີໂດຍອັດຕະໂນມັດ, ດັ່ງນັ້ນແຜ່ນຄວາມຮ້ອນຈະບໍ່ຮ້ອນຫຼາຍ, ພື້ນເຕົາລີດຄ່ອຍໆເຢັນລົງເຖິງອົງສາທີເຮົາຕັ້ງໄວ້ອຸປະກອນຄວບຄຸມ Thermostat Adjust ກໍ່ຈະຕໍ່ວົງຈອນກະແສໄຟຟ້າເພື່ອໃຫ້ກະແສໄຟຟ້າໄຫຼຜ່ານແຜ່ນຄວາມຮ້ອນຕື່ມອີກແບບອັດຕະໂນມັດເຮັດໃຫ້ເຕົາລີດຄົງຄວາມຮ້ອນໄວ້ຕາມຄວາມເໝາະສົມທີ່ເຮົາຕັ້ງໄວ້.
ຮູບທີ 2: ສ່ວນປະກອບສໍາຄັນຂອງເຕົາລີດໄຟຟ້າແບບທຳມະດາ.
II. ເຕົາລີດອາຍນໍ້າ (Electric Steam lrons).
ເຕົາລີດອາຍນ້ຳເປັນເຕົາລີດທີ່ພັດທະນາມາຈາກເຕົາລີດແບບທໍາມະດາ ເຊິ່ງຈະມີສ່ວນປະກອບຄ້າຍຄືກັນ ແຕ່ຈະໃຊ້ງານສະດວກກວ່າເພາະຈະມີບ່ອນເກັບນໍ້າ ເພື່ອສ້າງອາຍນໍ້າໃຫ້ກັບເສື້ອຜ້າທີ່ເຮົາຈະລີດ, ເຕົາລີດຊະນິດນີ້ບໍ່ຈຳເປັນຕ້ອງສີດນ້ຳໃຫ້ກັບເສື້ອຜ້າ ພຽງແຕ່ເຮົາກົດປຸ່ມດ້ານໜ້າມືຈັບຂອງເຕົາລີດຈະມີປ້ຳລູກສູບເປັນຕົວອັດອາຍນ້ຳໃຫ້ຜ່ານລີ້ນໄປທີ່ພື້ນເຕົາລີດກະຈາຍເປັນຝອຍລະອຽດພົ່ນອອກມາໃສ່ເສື້ອຜ້າໃຫ້ເຮົາ, ເຊິ່ງຈະເຮັດໃຫ້ເສື້ອຜ້າທີ່ລີດລຽບດີ, ມີສວຍງາມຂຶ້ນ.
ຮູບທີ 3: ເຕົາລີດອາຍນໍ້າ
🔅 ຫຼັກການທໍາງານຂອງເຕົາລີດອາຍນ້ຳ.
ເຕົາລີດອາຍນ້ຳຊະນິດນີ້ຈະມີສ່ວນປະກອບຄ້າຍຄືກັນກັບເຕົາລີດແບບທໍາມາດາ ຕ່າງແຕ່ວ່າຈະມີຖັງເກັບນໍ້າ ເພື່ອສ້າງອາຍນໍ້າໃຫ້ກັບເສື້ອຜ້າທີ່ເຮົາຈະລີດ, ກ່ອນສຽບປັກໄຟໃຫ້ເຕີມນ້ຳໃສ່ຖັງນໍ້າໃຫ້ເຕັມສາກ່ອນ, ຖັງນ້ຳຈະໄດ້ຮັບຄວາມຮ້ອນໂດຍກົງຈາກແຜ່ນລວດຄວາມຮ້ອນທີ່ພືນເຕົາລີດ ແລະ ເມື່ອໄດ້ຮັບຄວາມຮ້ອນຫຼາຍຈະກາຍເປັນອາຍນ້ຳໃນຖັງບັນຈຸນ້ຳ, ເມື່ອບັງຄັບປຸ່ມປ້ຳລູກສູບຄວບຄຸມອາຍນ້ຳແລ້ວຈະເຮັດໃຫ້ມີອາຍນ້ຳອອກຈາກຫ້ອງອາຍນ້ຳແຍກເປັນ 2 ທາງ, ທາງທຳອິດຈະຜ່ານລີ້ນອາຍນ້ຳທີ່ພື້ນເຕົາລີດເພື່ອໃຫ້ໄດ້ອາຍນ້ຳກັບເສື້ອຜ້າ ແລະ ອາຍນ້ຳອີກສ່ວນໜຶ່ງຈະແຍກກັບໄປຖັງເກັບນ້ຳເພື່ອໃຫ້ເກີດຄວາມສົມດຸນທາງແຮງດັນເຮັດໃຫ້ອາຍນ້ຳທີ່ອອກຈາກພື້ນທີ່ເຕົາລີດມີແຮງດັນສະໝ່ຳສະເໝີ.
ຮູບທີ 4: ລັກສະນະການປ່ອຍອາຍນໍ້າຂອງເຕົາລີດ
1. ໂຄງສ້າງ ຫຼື ພາກສ່ວນຕ່າງໆຂອງເຕົາລີດໄຟຟ້າ.
1. ສະວີກປັບຄວາມຮ້ອນ (Adjust Knob).
2. ປອກຢາງກັນສາຍລຸດ ຫຼື ຂາດ.
3. ຫຼອດໄຟສັນຍານ (Indicator lamp).
4. ຝາຄອບ (Cover).
5. ດ້າມຈັບ (Handle).
6. ສາຍສຽບໄຟ (Power Cord)
7. ພື້ນເຕົາລີດ (Sole Plate)
8. ຝາປິດທ້າຍເຕົາລີດ (Black Plate).
ຮູບທີ 5: ສະແດງເຖິງພາກສ່ວນຕ່າງໆຂອງເຕົາລີດ
2. ພາກສ່ວນຂ້າງໃນຂອງເຕົາລີດໄຟຟ້າ
1.
ຊຸດປັບຄວາມຮ້ອນ
ຫຼື ໜ້າສຳພັດ ( Thermostat Adjust Set)
2.
ຊຸດຄວບຄຸມຄວາມຮ້ອນ (Thermostat) ປະກອບດ້ວຍຫນ້າສຳຜັດນ໋ອດທອງເຫຼືອງປັບໄລຍະຄອນແທກ
ສະນວນກະເບື້ອງຫຼັກຕໍ່ສາຍ.
3.
ແຜ່ນເຫຼັກຍືດຊຸດຄວບຄຸມຄວາມຮ້ອນ.
4.
ແຜ່ນສະນວນກັນຄວາມຮ້ອນ ( As besot ).
5.
ແຜ່ນລວດຄວາມຮ້ອນ ( Heater ) ເປັນຝາປິດ.
6.
ຝາປິດທ້າຍເຕົາລີດ.
7.
ແຜ່ນໄບເມທໍລີກ (Bimetallic ) ຄວບຄຸມອຸ່ນຫະພູມ.
ຮູບທີ 6: ພາກສ່ວນຂ້າງໃນຂອງເຕົາລີດໄຟຟ້າ
3. ວົງຈອນຂອງເຕົາລີດໄຟຟ້າ
ຮູບທີ 7: ວົງຈອນຂອງເຕົາລີດໄຟຟ້າ
4. ການມ້າງເພື່ອສ້ອມແປງເຕົາລີດໄຟຟ້າ
ວ່າເສັ້ນໃດຕໍ່ກັບຫຼັກຕໍ່ສາຍອັນໃດ. 2. ງັດປ້າຍບອກຄ່າທາງໄຟຟ້າຂອງເຕົາລີດອອກຈະເຫັນນ໋ອດ. 3. ໃຊ້ຄີມຖອດນ໋ອດທອງເຫຼືອງທີ່ທ້າຍຂອງເຕົາລີດແລ້ວດືງຫຼັກຈາກສະປີງບິດກຽວຂອງຝາທ້າຍອອກມາ.
4. ຖອດນ໋ອດທີ່ຢືດຝາປົກພ້ອມກັບຍົກຝາປົກຂື້ນ, ທ່ານກໍ່ຈະເຫັນເຄື່ອງທາງໃນຂອງເຕົາລີດເກືອບທຸກພາກສ່ວນ.
5. ເປັນແກນເຫຼັກທີ່ໃຊ້ຕັດຕໍ່ຫນ້າສຳພັດຂອງຊຸດຄວບຄຸມຄວາມຮ້ອນ.
6. ເພື່ອຖອດກຽວຂອງເຫຼັກກົດແຜ່ນໄບເມທອນຫຼັງຈາກນັ້ນ, ຈັບແຜ່ນໄບເມທອນອອກມາປີ້ນເບິ່ງ ທ່ານກໍ່ຈະເຫັນໂລຫະສ່ວນນ້ອຍຕິດແປະກັບ
ໂລຫະໃຫຍ່, ເຊີ່ງເປັນໂລຫະຕ່າງຊະນີດກັນເມື່ອໄດ້ຮັບຄວາມຮ້ອນມັນກໍ່ຈະງໍຂື້ນ.
5. ການກວດເຊັກເຕົາລີດໄຟຟ້າ
5.1. ວິທີການກວດເຊັກທີ່ 1
ບາງເທື່ອທີ່ທ່ານສຽບປລັກສຽບຂອງເຕົາລີດແລ້ວມັກຈະມີໄຟຮົ່ວອອກມາສາເຫດແມ່ນຍ້ອນກະ ແສໄຟຟ້າໄດ້ໄຫຼລົງມາຕົວເຕົາລີດແລ້ວລົງມາຫາມືທ່ານຊື່ງປົກກະຕິແລ້ວກະແສໄຟຟ້າໄຫຼມາທີ່ຝາຄອບ ຫຼື ພື້ນເຕົາລີດໄດ້ຈຶ່ງສຳລວດເບິ່ງວ່າກະແສໄຟຟ້າຮົ່ວມາແຕ່ບ່ອນໃດໂດຍເລີ່ມຕົ້ນການກວດທີ່ຝາຄອບ ຫຼື ພື້ນເຕົາລີດ, ໃຊ້ສາຍມິເຕີຈັບທີ່ຂາປລັກສຽບຂ້າງໃດຂ້າງຫນຶ່ງສ່ວນອີກສາຍຫນຶ່ງຈັບທີ່ຝາຄອບ ຫຼື ພື້ນເຕົາລີດຖ້າເຂັມມິເຕີກະດີກຂຶ້ນສະແດງວ່າເຕົາລີດໄຟຟ້າມີໄຟຮົ່ວດັ່ງຮູບລຸ່ມນີ້.
 |
ຮູບທີ 8: ວິທີການວັດແທກຊອກຫາສາເຫດຈາກໄຟຟ້າຮົ່ວຂອງເຕົາລີດໄຟຟ້າ |
5.2. ວິທີການກວດເຊັກທີ່ 2.
ກ. ເຕົາລີດຮ້ອນ. ໃຊ້ມິເຕີວັດແທກ 2 ສົ້ນປລັກສຽບຂອງເຕົາລີດຖ້າເຂັມຂອງມິເຕີຊີ້ຂື້ນທີ່ 0 ໂອມສະແດງວ່າເຕົາລີດຢັງດີຢູ່ ໃຫ້ທ່ານກວດເບີ່ງໄຟທີ່ສາຍປລັກສຽບວ່າມີໄຟ ຫຼື ບໍ່, ແຕ່ຖ້າເຂັມມິເຕີບໍ່ຊີ້ຂື້ນທີ່ 0 ໂອມ ຫຼື ຫຼອດທົດສອບບໍ່ຮຸ່ງໃຫ້ທ່ານຖອດຝາທ້າຍ ແລະ ຖອດສາຍເຕົາລີດອອກ, ພ້ອມກັບວັດແທກທີ່ຫຼັກຕໍ່ສາຍມິເຕີຖ້າເຂັມມິເຕີຊີ້ທີ່ 0 ໂອມສະແດງວ່າເຕົາລີດຍັງດີແຕ່ເສຍທີ່ສາຍໄຟ ຫຼື ຫົວປລັກສຽບໃຫ້ທ່ານກວດເບີ່ງສາຍໄຟຫັກ ຫຼື ຂາດຖ້າບໍ່ເຫັນແມ່ນໃຊ້ມິເຕີຈັບທີ່ສາຍໄຟທັງ 2 ຂ້າງຂອງເສັ້ນໃດເສັ້ນຫນື່ງຖ້າຍັງດີຄືເກົ່າໃຫ້ກວດເບີ່ງທີ່ປລັກສຽບວ່າສາຍຫຼຸດ ຫຼື ບໍ່, ຖ້າສາຍຫຼຸດກໍ່ຕໍ່ສາຍໃຫ້ຮຽບຮ້ອຍ.
ຫນ້າສຳຜັດແຕະກັນບໍ່ແຈບດີ.
ຖ້າຫາກຫນ້າສຳຜັດແຕະກັນບໍ່ແຫນ້ນໃຫ້ທ່ານໃຊ້ກະດາດຊາຍຂັດໃຫ້ລະອຽດ
ແລະ ຈັດໃຫ້ຫນ້າສຳພັດແຕະກັນໃຫ້ແຫນ້ນພໍດີ, ຖ້າຫຼວດຄວາມຕ້ານທານຫຼຸດໃຫ້ຕໍ່ກັບຫຼັກຕໍ່ສາຍໃຫ້ແຫນ້ນ, ສ່ວນລວດຄວາມຮ້ອນໃຫ້ທ່ນຖອດອອກມາໂດຍໃຊ້ມິເຕີແທກຖ້າເຂັມມິເຕີບໍ່ຂື້ນສະແດງວ່າລວດຄວາມຮ້ອນຂາດພວກເຮົາແກ້ໄຂໄດ້ພຽງແຕ່ຊື້ຂົດລວດມາປ່ຽນໃຫມ່.
ສາເຫດ ແລະ ວິທີແກ້ໄຂ
ສາເຫດ.
a. ເຕົາລີດບໍ່ຮ້ອນ
- ຈາກຫຼັກຕໍ່ສາຍໃນເຕົ້າສຽບຫຼືໃນເຕົລີດ
- ຕົວຕ້ານທານຂາດ ຫຼື ຊ໊ອດ (Short)
- ຫນ້າຄອນແທັກບໍ່ແຕະກັນ ຫຼື ຜີວຫນ້າເປື່ອນ.
- ຂົດລວດຄວາມຮ້ອນຂາດ
b. ວິທີແກ້ໄຂ
- ຕໍ່ສາຍໃຫ້ແຫນ້ນ.
- ປ່ຽນຕົວຕ້ານທານໃຫມ່.
- ປັບສະກູທອງເຫຼືອງໄປຈົນເຖີງຫນ້າຄອນແທກສຳພັດກັນ ຫຼື ໃຊ້ກະດາດຊາຍພັດໃຫ້ລະອຽດ.
- ປ່ຽນພື້ນເຕົາລີດ ຫຼື ຊື້ໃຫມ່.
c. ໄຟຟ້າຮົ່ວລົງເຮືອນເຕົາລີດ- ສາຍໄຟເສັ້ນໃດເສັ້ນຫນຶ່ງໃນຕົວລີດແຕະກັບຕົວເຕົາລີດ.
- ແຜ່ນໄບເມທອນສຳຜັດກັບພື້ນເຕົາລີດ.
- ຈຳນວນຂອງລວດຄວາມຮ້ອນຂາດ.
- ຫຼັກຕໍ່ສາຍສຳພັດກັບໂຄງຝາຄອບ
d. ວິທີແກ້ໄຂ- ຈັບ ຫຼື ປັບສາຍບໍ່ໃຫ້ແຕະກັບໂຄງໂລຫະ.
- ກວດສະນວນທີ່ ຮອງແຜ່ນໄບເມທອນວ່າຂາດ ຫຼື ບໍ່ຖ້າຂາດໃຫ້ປ່ຽນໃຫມ່
- ໃຊ້ມິເຕີກວດທີ່ຫຼວດຄວາມຮ້ອນກັບພື້ນເຕົາລີດ.
- ຖອດຝາທ້າຍກວດສອບແລະຍັບ
ເຕົາລີດຮ້ອນນ້ອຍ.
ໄລຍະຫ່າງຂອງຄອນແທກຫ່າງຫຼາຍເກີນໄປ.
1. ວິທີແກ້ໄຂ
2. ຫມູນປັບນ໋ອດທີ່ຫົວເທີໂມສະຕາສ(ແຜ່ນໄບເມທອນ)ລົງໄປອີກ
2-3 ຮອບ.
ເຕົາລີດຮ້ອນຫຼາຍເກີນໄປ.
ໄລຍະຫ່າງຂອງຫນ້າຄອນແທກຕີດກັນຫຼາຍເກີນໄປ.
1. ວິທີແກ້ໄຂ
2. ຫມູນປັບນ໋ອດທີ່ຫົວເທີໂມສະຕາສ(ແຜ່ນໄບເມທອນ)ຂື້ນມາ
2-3 ຮອບ.
III. ການບໍາລຸງຮັກສາເຕົາລີດໄຟຟ້າ (Maintenance of Electric lrons).
ການນໍາໃຊ້ເຕົາລີດເພື່ອລີດເສື້ອຜ້າເຮົາຕ້ອງໃຊ້ໃຫ້ໄວ ແລະ ປັບອຸນຫະພູມຄວາມຄຸມຄວາມຮ້ອນໃຫ້ເໝາະສົມກັບຄວາມໜາຂອງເສື້ອຜ້າ ແລະ ຊະນິຂອງເສື້ອຜ້າທີຈະລີດ ຄວນປະຕິບັດດັ່ງຕໍ່ໄປນີ້:
1. ຄວນເກັບເສື້ອຜ້າກ່ອນທີ່ຈະນໍາມາລີດໃຫ້ຮຽບຮ້ອຍ, ເຮັດໃຫ້ເສື້ອຜ້າຍໍ້ໜ້ອຍທີ່ສຸດຕັ້ງແຕ່ເວລາຊັກ ແລະ ເວລາຕາກເຄື່ອງຄວນດຶງເສື້ອຜ້າທຸກຜື້ນໃຫ້ເຄັ່ງກ່ອນຕາກ ເພື່ອຊ່ວຍໃຫ້ລີດເສື້ອຜ້າງ່າຍ ແລະ ປະຢັດພະລັງງານ.
2. ກ່ອນຈະລີດຜ້າທຸກຄັ້ງຄວນແຍກປະເພດຜ້າໜາ, ຜ້າບາງ ເພື່ອຄວາມໄວໃນການລີດ ແລະ ຄວນລີດຜ້າທີ່ມີຄວາມໜາກ່ອນ ຈຶ່ງລີດຜ້າບາງ.
3. ຕ້ອງລວມເສື້ອຜ້າທີ່ຈະລີດໃຫ້ຫຼາຍຕົວ, ຫຼາຍໆຊຸດຈື່ງລີດພ້ອມກັນ, ບໍ່ຄວນລີດເທື່ອລະຊຸດ ເພາະວ່າການສຽບປັກໄຟຟ້າແຕ່ລະຄັ້ງເຮັດສິ້ນເປືອງຄ່າພະລັງງານໄຟຟ້າ ໃນເວລາທີ່ເຮົາລໍຖ້າເຕົາລີດຮ້ອນ ຫຼື ເຢັນລົງ.
4. ບໍ່ຄວນສີດນໍ້າໃສ່ເສື້ອຜ້າຈົນເກີນໄປ ເພາະຈະເຮັດໃຫ້ສູນເສຍຄວາມຮ້ອນໃນການພື້ນເຕົາລີດ.
5. ໝັ່ນກວດເບິ່ງພື້ອນເຕົາລີດ ຖ້າຫາກພື້ນເຕົາລີດເປື້ອນມີຄາບສີຕດຢູ່ໃຫ້ຮີບອະນາໄມອອກ ໂດຍໃຊ້ຟອງນໍ້າຈຸ່ມນໍ້າຢາເຊັດທໍາຄວາມສະອາດໃຫ້ຮຽບຮ້ອຍ, ເພາະວ່າຄາບສີທີ່ເປື້ອນຢູ່ພື້ນເຕົາລີດຈະມີຄ່າຄວາມຕ້ານທ້ານຄວາມຮ້ອນເຮັດໃຫ້ສິນເປືອງໄຟຟ້າໃນການເພີ່ມຄວາມຮ້ອນ.
6. ຄວນເລີ່ມລີດເສື້ອຜ້າທີ່ບາງໆທີ່ຕ້ອງການຄວາມຮ້ອນໜ້ອຍກ່ອນ, ຖ້າເຕົາລີດຮ້ອນຂື້ນຫຼາຍແລ້ວຈຶ່ງລີດເສື້ອຜ້າທີ່ໜາ ໂດຍຕັ້ງອຸນຫະພູມຕາມຂັ້ນຕອນດັ່ງຕໍ່ໄປນີ້:
- ຕໍາແໜ່ງທີ່ 1: ແມ່ນກຸ້ມຈໍາພວກຜ້າ ອະຄີລິກ, ຜ້າອະຊີເທດ
- ຕໍາແໜ່ງທີ່ 2: ແມ່ນກຸ້ມຈໍາພວກຜ້າ ໄນລອນ, ຜ້າໄໝ
- ຕໍາແໜ່ງທີ່ 3: ແມ່ນກຸ້ມຈໍາພວກຜ້າ ເຣລອນ, ຜ້າໂພລີເອສເຕີ
- ຕໍາແໜ່ງທີ່ 4: ແມ່ນກຸ້ມຈໍາພວກຜ້າ ຂົນສັດ
- ຕໍາແໜ່ງທີ່ 5: ແມ່ນກຸ້ມຈໍາພວກຜ້າ ຝ້າຍ
- ຕໍາແໜ່ງທີ່ 6: ແມ່ນກຸ້ມຈໍາພວກຜ້າ ລີນິນ
ແລະ ຄວນເລືອກຜ້າທີ່ບາງ ທີ່ຕ້ອງການຄວາມຮ້ອນໜ້ອຍໄວ້ລີດໃນການສຸດທ້າຍຕື່ມອີກ ຫຼັງຈາກທີ່ເຮົາຖອດປັກສຽບແລ້ວ ຄວາມຮ້ອນຢູ່ທີ່ເຕົາລີດຍັງສາມາດລີດຜ້າໄດ້ຕື່ມອີກ.
7. ສະເພາະເຕົາລີດອາຍນໍ້າ ໃຊ້ໄປດົນໆຄວນເຕີມນໍ້າອຸ່ນໃສ່ຖັງເກັບນໍ້າ ເພື່ອຊ່ວຍໃຫ້ລະລາຍຂີ້ຝຸ່ນ ຫຼື ຕະກອນທີ່ຈະໄປອຸດຕັນຊ່ອງປ່ອຍອາຍນໍ້າ ອັນເປັນສາເຫດເຮັດໃຫ້ເກີດຄວາມຕ້ານທ້ານໃນການສ້າງຄວາມຮ້ອນຂອງເຕົາລີດ.
8. ເຕົາລີດທີ່ໃຊ້ງານໄປດົນໆຄວນມີການກວດກາ ແລະ ລຸງຮັກສາສ້ອມແປງ, ພ້ອມປ່ຽນຖ່າຍສາຍໄຟອຸປະກອນອື່ນໆທີ່ເສື່ອມສະພາບ ເພື່ອປ້ອງກັນໄຟຟ້າລັດວົງຈອນ ຫຼື ໄຟຟ້າຮົ່ວ.
